Сонгинохайрхан дүүргийн хэмжээнд нийт 151 цэгээр дамжуулж иргэдэд түлш худалдан борлуулж байгаа. Шинээр 45 цэгийг нэмэгдүүлэхээр болсон ч дээрх цэгүүдэд түлшний хомсдол үүсэж, иргэд худалдан авалт хийхэд хүндрэлтэй байгааг хороодын Засаг дарга нар уламжилжээ. Тиймээс “Таван толгой түлш” ХХК-тай холбогдож хагас коксожсон нүүрсний нөөцийг нэмэгдүүлэх асуудлаар яаралтай ажил арга хэмжээг зохион байгуулахыг үүрэг болголоо. Мөн дээрх түлш борлуулах цэгүүдэд түлш цөөн тоогоор ирж буй шалтгаан, мөн түлшний савлагаа хэмжээндээ хүрэхгүй байгаа зэрэг асуудлыг “Таван толгой түлш” ХХК-аас тодруулж иргэдийг мэдээ, мэдээллээр хангахаар ажиллаж байна.