“Тавантолгой” хувьцаат компани 1.5 тэрбум төгрөгийн төсөвтэйгээр харуул хамгаалалтын үйлчилгээ авах тендер зарлажээ. Энэхүү үйлчилгээний хүрээнд харуул хамгаалалтын ажилтан, ахлах, гадаа талбайн зохицуулагч, үйлчилгээний ажилтан зэрэг орон тоо багтсан байна.

Гэвч 1.5 тэрбум төгрөгийн өртөг нь иргэдийн дунд анхаарал татаж байна. Ийм хэмжээний зардал зөвхөн хамгаалалтын үйлчилгээний чиглэлд зарцуулах нь үндэслэлтэй эсэх, эсвэл үнийн хөөрөгдөл үүссэн эсэх нь тодорхойгүй байна. Төрийн өмчийн оролцоотой, олон нийтийн хөрөнгөөр үйл ажиллагаа явуулдаг компанийн хувьд зарцуулалтын ил тод байдал, тендерийн өрсөлдөөн шударга явагдаж байгаа эсэхийг хянах шаардлагатай гэж шинжээчид үзэж байна.