Эхнэрээ, гэр бүлээ 22 жил хүчирхийлсэн гэх Б.Эрдэнэсүх НИТХ-ын төлөөлөгч. Түүний гэр бүлийн асуудал хэвлэлээр нийтлэгдсэнээс хойш СБД-ийн 16-р хорооны засаг даргын ажлаасаа чөлөөлөгдсөн. Харин хохирогч болох эхнэр нь хэвлэл мэдээллийн хэрэгсэлд хандсанаас хойш Б.Эрдэнэсүхэд хариуцлага тооц гэсэн нийтийн хандлага маш хүчтэй өрнөсөн. Тэгвэл цагдаагийн алба хаагчид Б.Эрдэнэсүхийг өчигдрөөс эхлэн эрэн сурвалжилж, улс орон даяар самналт хийсний эцэст өнөө өглөө (2025.10.16) Тэрэлжийн гүүрэн дээрээс илрүүлэн баривчилжээ. Тэрбээр энэ үедээ найман настай хүүгээ дагуулж явсан байна.  Б.Эрдэнэсүх яг одоо Хан-Уул дүүргийн нэгдүгээр хэлтэст байцаалт өгч байна.