Дарханы төмөрлөгийн үйлдвэр нийт ₮7,065,565,120 тэрбумын өртөг бүхий катерингийн үйлчилгээний тендер зарлажээ. Тендерийн хүрээнд ажилчдад өглөө, өдөр, оройн хоол болон эмчилгээний зориулалттай хоол хүнс нийлүүлэх нөхцөлтэй.

Баримт бичигт “эрүүл ахуйн шаардлага хангасан, тэжээллэг, илчлэг өндөртэй, амт чанартай, шинэлэг хоолоор өдөр бүр тасралтгүй хангана” гэж тусгасан боловч 7 тэрбум төгрөгийн зардал нь олон нийтийн анхаарлыг татаж байна. Өмнө нь тус үйлдвэрийн зарим худалдан авалт өндөр өртөгтэй байсан талаар шүүмжлэл гарч байсан тул энэ удаагийн тендер мөн ил тод, шударга явагдах эсэхэд иргэд эргэлзэж байна.

Тендер дараах хоёр багцаар зарлагджээ:

• Багц №1: Төмөртэй төмрийн хүдрийн уурхай
• Багц №2: Төмөртолгойн төмрийн хүдрийн уурхай

Ажилчдын хоол, үйлчилгээний чанарыг сайжруулах нь зүй ёсны ч энэ хэмжээний мөнгө оновчтой эсэх талаар олон нийт хяналт тавих шаардлагатай гэж ажиглагчид үзэж байна.