Боловсрол салбарын багш, ажилтны цалин хөлс нэмүүлэх шаардлага, жагсаал, хурал, суулт зэрэг шат дараалсан тэмцэл үр дүнд хүрэхгүй байгаа тул дараагийн шатны тэмцэл бүх гишүүдийн саналын дагуу хугацаагүй ажил хаялт хэлбэрт шилжихээр болж байна. 
МБШУҮЭХолбоо Боловсролын Яаманд 2025 оны 10 дугаар 09-нд ажил хаялт хийх бичгээ өгсний хуулийн хугацаа нь 10 дугаар 15-нд дуусч, 10 дугаар сарын 16 -нд ажил хаялт эхэлнэ. 
Ажил хаялт, хуулийн зөвлөхийн гарын авлагын дагуу зохион байгуулагдаж, ажлын хэсэг байгуулж, үйл ажиллагааг хуулийн хүрээнд, ҮЭХолбооноос өгсөн журмын дагуу зохион байгуулна. 

Ажил хаялт хугацаагүй бөгөөд ангийн сурагчдаа эцэг эхэд нь хүлээлгэн өгч, гарын үсгийг нь авч, улс орон даяар 10 дугаар сарын 16- ны өглөө 8.00 цагт ажил хаялт эхэлнэ. Харин сурагчдын эхний улирлын бие даалтын долоо хоног 10 дугаар сарын 20-ны даваа гарагаас эхэлнэ.