"Анхны хайр”, “Зүүдний наран” зэрэг дуугаараа олны танил болсон дуучин Н.Өнөдэлгэр онош тодорхойгүй өвчнөөр удаан хугацаанд өвдөж, биеийн жин 39 кг болтлоо турж, кали их хэмжээгээр алдсан. Монголд арга мухардсан дуучны ар гэр, найз нөхөд нь ард түмнээсээ хандив цуглуулж, БНХАУ-ыг зорьсон. Сүүлийн мэдээллээр Н.Өнөдэлгэр БНХАУ-ын Тьянжин хотноо Сингапурын хөрөнгө оруулалттай томоохон эмнэлэгт хэвтжээ. Оношийг тодруулах шинжилгээ авахын тулд биеийн жинг нэмэх шаардлагатай байгаа бөгөөд өнөөдрийн байдлаар 41 кг болж, гинетикийн шинжилгээ өгчээ.

Уг шинжилгээний хариу 14 хоногийн дараа гарах аж. Хандивын тухайд Монголын ард түмнээс оношилгоо илрүүлэх эхний 14 хоногийн эмчилгээний зардал болох 100 сая төгрөгийн 40 хувь нь цугларсан байна. Оношилгоо тодорсны дараа ямар эмчилгээг хэдэн төгрөгийн зардлаар хийлгэх нь тодорхой бус байгаа учир түүний ангийнхан буюу ХБК-ийн дуулаачийн ангийн 2019 оны төгсөгчид, дээд доод курсын ах эгч, дүү нар, багш нар нь Open mic зохион байгуулах, нийслэлийн ойролцоох сумдаар тоглолт хийх зэргээр ажиллаж байгаа юм байна.