"Times Higher Education"' олон улсын байгууллага дэлхийн их сургуулиудын 2025 оны эрэмбийг зарласан байна. Монголын их сургуулиудаас МУИС анх удаа албан ёсоор эрэмбэлэгдэж чансаагаараа (1501+)-д жагслаа.

2023 онд БШУ-ны сайдаар ахлуулсан Монгол Улсын төлөөлөгчид Дэлхийн боловсролын сайд нарын чуулга уулзалтад оролцож, энэ үеэрээ "Times Higher Education" байгууллагын удирдлагуудтай уулзсан. Улмаар Монголын их, дээд сургуулиудыг олон улсын аргачлалаар эрэмбэлүүлэх хүсэлт тавьж байсан юм.

2025 онд МУИС уг байгууллагаар дахин үнэлгээ хийлгэхээр мэдээллээ илгээж өнөөдөр буюу 2025 оны 10 дугаар сарын 09-ний өдөр World University Ranking-2026 жагсаалтад дахин багтлаа. Энэ жил дэлхийн 3100 гаруй сургууль өөрсдийн тооцоогоор болзол хангасан гэж үзэн хүсэлтээс илгээснээс 115 орны 2191 сургууль суурь болзлоо ханган эрэмбэлэгдсэн нь өмнөх жилийнхээс 100 орчим сургуулиар нэмэгдсэн үзүүлэлт юм.

МУИС-ийн хувьд Дэлхийн их сургуулиудын эрэмбэ-2026-д энэ жил дахин 1501+ интервалд харгалзан жагссан байна.

Үзүүлэлтүүдийн хувьд үнэлгээний 5 том багц шалгуур бүрээр өссөн үзүүлэлттэй буюу өмнөх онтой харьцуулахад Сургалт 14.7%-с 15.6%, Судалгааны орчин 9.2%-с 9.4%, Судалгааны чанар 12,5%-с 15.5%, Үйлдвэрлэлд оруулсан хувь нэмэр 20.6%-с 21.7%, Гадаад хамтын ажиллагаа 51%-с 55.4% гүйцэтгэлтэй болж өссөн байна.