Хималайн нурууны 8163 метрийн өндөр оргил Манаслу ууланд амжилттай авирсан Монголын уулчин О.Золбоохүү өнөөдөр /2025.10.07/ эх орондоо ирж байна.

Дэлхийн найм дахь ноён оргил Манаслуд О.Золбоохүү өнгөрсөн сарын 25-ны өдөр орон нутгийн цагаар 4 цагт гарсан бөгөөд энэ өдөр түүнтэй хамт гарсан багт Их Британи, Молдав, Балбын уулчид багтжээ. 

Сонирхуулахад, Манаслуд Монголоос хамгийн анх уулчин Б.Батболд 2019 оны есдүгээр сарын 25-нд амжилттай гарч байсан бол 2024 онд уулчин Б.Батхишиг уг ууланд авирсан Монголын анхны эмэгтэй уулчин болж байв.