Монголын үйлдвэрчний эвлэлээс өнгөрсөн есдүгээр сарын 28-нд төв талбайд жагсаал зохион байгуулсан. Гэсэн ч үр дүнд хүрээгүй тул өдөр бүр 11-15 цагийн хооронд жагсахаар болжээ.

Учир юу вэ гэвэл, хоёр сарын өмнө буюу долоодугаар сараас эхлэн багш нар цалингаа нэмүүлэхийг шаардаж эхэлсэн. Салбар яам уг асуудлыг хэлэлцэж, П.Наранбаяр сайд багш нарын цалинг жил бүр хамгийн ихдээ 20 хувиар нэмэх боломжтой гэж хэлсэн. Энэ хүрээнд Боловсролын яам, Сангийн яам, Гэр бүл, хөдөлмөр, нийгмийн хамгааллын яамны хамтарсан баг энэ чиглэлд ажилласан.

Тэд шийдвэрээ наймдугаар сарын 30-ны дотор эцэслэж, танилцуулна гэсэн ч танилцуулаагүй. Өөрөөр хэлбэл цалин нэмээгүй. Тиймээс багш нар тавьсан шаардлага нь ямар ч үр дүнд хүрээгүй тул өдөр бүр 11-15 цагийн хооронд жагсахаар болсон аж.

Багш нарын ажил хаялтад дан ганц ерөнхий боловсролын сургуулийн багш нараас гадна их, дээд сургууль, цэцэрлэгийн багш нар оролцож байна.