ОХУ-ын Эрхүү мужийн Байгал нуурын судлалын хүрээлэнгээс Үндэсний цэцэрлэгт хүрээлэнд хүүхдүүдэд зориулсан далайн хавны аквариум байгуулах санал гаргажээ. Ингэхдээ зардлыг өөрсдөө 100% хариуцах саналыг Улаанбаатар хотын дарга Х.Нямбаатарт тавьсан байна. Энэ талаар Монгол улсад суугаа ОХУ-ын ЭСЯ цахим хаягаараа дамжуулан тус мэдэгдлийг нийтэллээ. 

“ Улаанбаатар хотын дарга Х.Нямбаатар: "Дэлхийн далайн хавны хамгийн том судалгааны хүрээлэнгийн нэг ОХУ-ын Эрхүү мужийн Байгал нуурын судлалын хүрээлэнгээс Үндэсний цэцэрлэгт хүрээлэнд хүүхдүүдэд зориулсан далайн хавны аквариум байгуулах, ингэхдээ зардлаа өөрсдөө 100 хувь хариуцах санал гаргажээ."

Энэ төсөл нь байгаль, экологийн боловсролыг нэмэгдүүлэх, зочдоо байгалийн биологийн төрөл зүйлийг танилцуулах зорилготой юм.”

Эх сурвалж: Посольство России В Монголии