"Бүх банкны данс түрээслүүлнэ" гэх зар өгч иргэд дансаа бусдад ашиглуулж байна. Та бусдад дансаа өгч ашиглуулснаар санхүүгийн үйлчилгээ авч чадахгүйд хүрэх, хуулийн хариуцлага хүлээх, санамсаргүйгээр гэмт хэргийн оролцогч болох ч эрсдэлтэй. Учир нь төлбөрт таавар, бооцоот болон цахим мөрийтэй тоглоомд оролцогчид ихэвчлэн хэн нэгний дансыг ашиглан хууль бус гүйлгээ хийж, гэмт хэрэг үйлдэж байна. Иймд иргэд та бүхэн дансаа бусдад өгөхөөс зайлсхийж, болзошгүй эрсдэлээс өөрийгөө хамгаалахыг Цагдаагийн Ерөнхий Газраас сэрэмжлүүлж байна.

Иргэдийн дансыг өдрийн 100-150 мянгаар түрээсэлнэ гэх зарыг цахим орчинд байршуулж, энэ дагуу иргэд холбогдсноор өөрөө гэмт хэрэгтэн болох эрсдэлд орж, өрөөлийн бусдыг залилах мэхлэх үйлдлээ үргэлжлүүлэн хийх боломжийг олгож байгаа юм.