Хөвсгөл аймгийн Тариалан суманд сураггүй алга болсон хоёр настай хүүг эрэн хайх ажиллагаа 9 дэх өдрөө үргэлжилж байна. Гэхдээ өчигдөр ар гэрийнхнийх нь зүгээс эрэн хайх ажиллагааг зогсоох хүсэлтийг бичгээр өгсөн байдаг. Тэд холын албан хаагчид болон иргэдийг буцаах хүсэлт тавьж, албаны хүмүүс болон ар гэрийн хүмүүс холын иргэд, албаны хүмүүсийг буцаасан юм.

Өдгөө эрэлд Хөвсгөл аймгийн Онцгой байдлын газар, Тариалан сумын ЗДТГ болон ар гэр, сайн дурын иргэд оролцож байна.

Тэгвэл өнөөдрөөс "Алга болсон хоёр настай хүүг хамаатных нь айлаас олсон" гэх мэдээлэл гараад байна. Энэ талаар ЦЕГ-аас тодруулахад "Үндэслэлгүй худал мэдээлэл" гэлээ.

Мөн ОБЕГ-аас тодруулахад "Тариалан сумын Баянхошуу 5 дугаар багийн “Сайхан мод” гэдэг газар сураггүй алга болсон 2 настай хүүхдийн эрлийг ажиллагаа үргэлжилж байна. Эрлийг Гамшгаас хамгаалах Улсын хяналтын ахлах байцаагч, дэд хурандаа Л.Бямбасүрэнгээр ахлуулсан Онцгой байдлын газрын алба хаагчид, Цагдаагийн газрын алба хаагчид, 1 эрэлч нохой, Ар гэрийн хүмүүс, Тариалан сумын мэргэжлийн анги, ЕБС, СӨБ нийт 56 хүн , 15 автомашин, 5 морь, 1 эрэлч нохойтойгоор алга болсон газраас зүүн хойд зүгт 25 км-т Нялуугийн хаш гэдэг газраас эрлийн ажиллагаа явагдаж байна" гэлээ.