“Эрдэнэт үйлдвэр” ТӨҮГ нийт 515.4 сая төгрөгийн өртөг бүхий гарын болон эдийн саван, шампунь худалдан авах тендер зарлажээ. Санхүүжилтийг өөрийн хөрөнгөөр шийдэхээр тус байгууллага тооцсон байна.

Тодруулбал:

Багц №1 /гарын саван/ – 221.2 сая төгрөг

Багц №2 /эдийн саван/ – 90.8 сая төгрөг

Багц №3 /шингэн саван, шампунь болон бусад/ – 203.4 сая төгрөг

Нийтдээ 515 сая гаруй төгрөгийн өртөгтэйгээр ажилчид болон хэрэглээнд шаардлагатай ариун цэврийн бүтээгдэхүүн ханган авах гэж буй нь ойлгомжтой. Гэвч зөвхөн саван, шампуньд хагас тэрбум төгрөг зарцуулах нь бодит хэрэглээнээсээ давсан тоо биш үү гэсэн асуултыг олон нийтэд үлдээж байна.