Өмнөговь аймгийн Эрүүл мэндийн газрын хэлтсийн дарга гэр бүлийн хүчирхийллийн хэргээр шалгуулж байна.

Тодруулбал, Өмнөговь аймгийн Эрүүл мэндийн газрын Эмнэлгийн тусламж үйлчилгээний хэлтсийн дарга Б нь гэр бүлийн хүчирхийллийн хэрэгт холбогджээ. Тэрбээр эхнэрээ зодож, нүүр нүд, гар, хөл зэрэг хэд хэдэн газарт хөхрүүлж, гэмтээсэн байна. Бид уг хэргийн талаар ЦЕГ-аас тодруулахад, “Уг хэрэг есдүгээр сарын 2 ны өдөр болсон бөгөөд аймгийн цагдаагийн газарт 12-нд бүртгэгдсэн. Б-д хэрэг бүртгэлийн хэрэг нээж, шалгалтын ажиллагаа явуулж байгаа” гэлээ.

Эрүүл мэндийн байгууллагын хариуцлагатай албан тушаалтан гэр бүлийн хүчирхийллийн хэрэгт холбогдсон нь олон нийтийн анхаарал татаж, шүүмжлэлд өртөж байна.