Хөвсгөл Аймгийн Тариалан Сумын Нутагт Алга Болсон Хүүхдийг Эрэн Хайх Ажиллагаа Долоо Дахь Өдрөө Үргэлжилж Буй. 

Одоог хүртэл нэг ч ул мөр олдоогүй байгаа. Харин өнөөдөр алга болсон хүүхдийн авга ах хүүг алга болсон газраас 10 км зайд хүүхдийн шинэвтэр мөр олдсон талаар ярьсан. Гэсэн ч тус мөр нь хүүхдийнх биш гэдгийг тогтоожээ. 

Тодруулбал, 2025 оны есдүгээр сарын 20-ны өдөр хүүхдийн мөр байх магадлалтай зургийг эрэлд явсан ар гэрийн иргэдийн зүгээс Хээрийн штабын албаны хүмүүст авч ирж үзүүлсэн байна. Тухайн мөр байсан газарт Хөвсгөл аймгийн Цагдаагийн газрын дарга, хурандаа Д.Мөнхжаргал, Шүүх шинжилгээний хэлтсийн дарга, дэд хурандаа Мөнхбаатар нараар ахлуулсан алба хаагчид, 2 эрэлч нохойтой мөрдөн шалгах ажил болон эрлийн ажлыг зохион байгуулжээ. 

Хүүхдийн гэх мөрнөөс журмын дагуу шинжилгээ авч шалгуулахад хүүхдийн мөр биш малын мөр байх магадлалтай гэсэн хариу гарсан байна. Улмаар тухай мөрний талаарх мэдээлэл, шинжилгээний хариуг алга болсон хүүгийн аав, ээж ар гэрийн хүмүүст танилцуулсан байна.