Архангай аймгийн Ихтамир сумын Хөхнуур багт боом өвчний хүний өвчлөлийн сэжигтэй тохиолдол энэ сарын 16-ны өдөр бүртгэгджээ. Тархвар судлал, эмнэл зүй, лабораторийн шинжилгээгээр боом өвчний арьсны хэлбэр болох нь батлагдсан байна.

Тодруулбал, иргэнийг есдүгээр сарын 16-нд тус аймгийн Нэгдсэн эмнэлгийн халдвартын тасагт боом өвчний сэжигтэй тохиолдол гэж оношлон тусгаарласан. Улмаар аймгийн ЗӨСТ-ийн хариу арга хэмжээний баг лабораторийн шинжилгээнд сорьц авч PCR –аар шинжилж, хариу эерэг гараад буй. 

Бид уг асуудлаар Ихтамир сумын ЭМТ-өөс тодрууллаа. Тэрбээр, “ Халдвар авсан иргэний биеийн байдал тогтворжиж байгаа. Тухайн хүн манай үндсэн харьяатай боловч шууд аймгийн нэгдсэн эмнэлэгт очиж үзүүлээд, халдвартын тасагт нь хэвтсэн. Одоогоор нэмж хүн өвчлөөгүй” гэлээ.