“Жем молл” дэлгүүрт эхнэрээ зэрлэгээр хөнөөсөн Н.Э, 16 настай охиныг хөнөөсөн Ц.Д, Х.Э нарт холбогдох хэргийн шүүхийн урьдчилсан хэлэлцүүлэг өнөөдөр /2025.09.17/ болж байна.

Шүүх хуралдаан өглөө 09.00 цагт БГД, СХД, ХУД-ийн эрүүгийн хэргийн анхан шатны шүүхэд эхэлсэн юм.

Хэрэгтэн Э-гийн өмгөөлөгч шүүх хуралдааны хаалтай явуулах хүсэлт гаргалаа. Прокурорын зүгээс шүүх хуралдаанаар эмзэг мэдээлэл бүхий нотлох баримтыг шинжлэх учраас хаалттай явуулах саналыг дэмжсэн байна.

Прокурорын зүгээс "Нийслэлийн Баянгол дүүргийн Хүүхэд, гэр бүлийн хөгжлийн хэлтсээс ирүүлсэн 2025 оны наймдугаар сарын 28-ны 326 дугаартай тайлбар хүргүүлэх тухай бичиг ирүүлсэн. Үүнд, хүүхдүүдэд асран хамгаалагт тогтоохтой холбоотой мөрдөн байцаалтын явцад цагдаагийн байгууллагад хүргүүлсэн. Гэм буруутай эсэхийг тогтоогоогүй учраас хүүхдүүдийн асран хамгаалагчийг тогтоох боломжгүй гэдгийг мэдэгдсэн. Ажиллагааг хийж байгаа.

Эхнэрээ 23 удаа хутгалж хөнөөсөн Н.Э-г эрүүгийн хуулийн 10.1-2.1, 2.8 буюу онц харгис хэрцгийгээр, гэр бүлийн хүчирхийлэл үйлдэн хөнөөсөн гэж буруутгаж байна. Энэ зүйл анги нь 12-20 жил эсвэл бүх насаар нь хорих ялтай юм.