“Жем молл” дэлгүүрт эхнэрээ зэрлэгээр хөнөөсөн Н.Э, 16 настай охиныг хөнөөсөн Ц.Д, Х.Э нарт холбогдох хэргийн шүүхийн урьдчилсан хэлэлцүүлэг маргааш /2025.09.17/ болох гэж байна.

Шүүх хуралдаан өглөө 09.00 цагт БГД, СХД, ХУД-ийн эрүүгийн хэргийн анхан шатны шүүхэд болох юм.

Эхнэрээ 23 удаа хутгалж хөнөөсөн Н.Э-г эрүүгийн хуулийн 10.1-2.1, 2.8 буюу онц харгис хэрцгийгээр, гэр бүлийн хүчирхийлэл үйлдэн хөнөөсөн гэж буруутгаж байна. Энэ зүйл анги нь 12-20 жил эсвэл бүх насаар нь хорих ялтай юм.