Монголын үйлдвэрчний эвлэлээс есдүгээр сарын 28-нд орон даяар ажил хаялт зарлана гэдгээ мэдэгдлээ. Ажил хаяж буй зорилго нь багшийн цалин хангамж, ажиллах орчныг сайжуулахыг шаардах юм гэнэ.

Өнгөрсөн наймдугаар сард Монголын багш нарын үйлдвэрчний эвлэлээс багш нарын цалинг 50 хувиар нэмэгдүүлэх шаардлагыг Боловсролын яам, Засгийн газарт хүргүүлсэн ч өнөөдрийг хүртэл шийдэлд хүрээгүй байгаа билээ.

2026 оны төсвийн төсөлд боловсролын салбарын зардлыг хоёр дахин нэмэгдүүлж, нэг их наяд төгрөг хуваарилж байгааг Засгийн газраас мэдээлсэн. Харин багшийн цалин нэмэхэд тусгайлан тавьсан төсөв байхгүй ч багш нарын нийгмийн асуудлыг шийдэхэд 100 тэрбум төгрөг суулгасан байна.

Есдүгээр сарын 28-нд болох багш нарын ажил хаялтад дан ганц ерөнхий боловсролын сургуулийн багш нараас гадна их, дээд сургууль, цэцэрлэгийн багш нар оролцох юм байна. Одоогоор хөдөө орон нутгийн багш нар ажил хаялтад идэвхтэй оролцохоо илэрхийлж байгааг Монголын үйлдвэрчний эвлэлээс мэдээлээд байгаа юм.