Баянгол дүүргийн иргэн Б нь энэ сарын 03-ны өдөр “Зээл гаргаж өгнө” гэсэн зарын дагуу, онлайнаар зээл судлуулахаар өөрийн гар утсаа үл таних хүнд өгч, сэжигтэй этгээд тухайн иргэний хувийн мэдээллийг ашиглан хэд хэдэн банкны зээлийн аппликэйшнээс нийт 150 гаруй сая төгрөгийн зээл авч, бусад руу шилжүүлжээ.

Энэ оны эхний долоон сарын байдлаар цахим орчинд байршуулсан “Зээлийн эрх нэмэгдүүлж өгнө” гэсэн зарын дагуу 96 иргэн холбогдож бусдад залилуулсан байна.

Иргэд гар утаснаасаа төрийн болон хувийн байгууллагын үйлчилгээг шууд авч, төлбөр тооцоогоо хийж байгаа цахим шилжилтийн энэ цаг үед өөрийн хувийн мэдээллийг агуулсан ухаалаг төхөөрөмжийг бусдад дамжуулах, ашиглуулах нь эрсдэл дагуулдаг тул хувийн мэдээллээ бусадтай хуваалцахгүй байхыг цагдаагийн байгууллагаас анхааруулж байна.