Алтайн уулсаар есдүгээр 12, 14-ний өдөр, 14-нөөс 15-нд шилжих шөнө, Хангайн уулсаар 12-ноос 13-нд шилжих шөнө, 14-нөөс 15-нд шилжих шөнө, 15-нд өдөртөө Хөвсгөлийн уулсаар 14-нөөс 15- нд шилжих шөнө бороо, нойтон цас орно. Иймд эдгээр уулсын томоохон даваа гүвээнд халтиргаа гулгаа үүсэх нөхцөл бүрдэж байгааг Цаг уур, орчны шинжилгээний газраас онцгойлон анхааруулж байна. Өнөө шөнө Булганы нутгаар, 13-ны өдөр Хэнтий, Сүхбаатарын нутгаар, 14-нд Дорнодын нутгаар ахиухан хэмжээний бороо, уулархаг нутгаар нойтон цас орж, ихэнх нутгаар сэрүүсэж, говь, тал, хээрийн нутгаар салхи, шуургатай байх тул зам даваа гүвээнд халтиргаа гулгаа үүсэх, ил задгай төмс, хүнсний ногоо тариа, будаа хайрагдаж болзошгүй юм.

Салхи 13-нд говь, тал, хээрийн нутгаар, 14-нд нутгийн зүүн хэсгээр секундэд түр зуур 18-20 метр хүрч ширүүснэ. Ихэнх нутгаар сэрүүсэж, Алтай, Хангай, Хөвсгөл, Хэнтийн уулархаг нутаг, Хүрэнбэлчир орчим, Завхан, Заг-Байдраг голын эх, Идэр, Тэс, Тэрэлж голын хөндийгөөр шөнөдөө -4...-9 градус хүйтэн, өдөртөө +4...+9 градус, говийн бүс нутгийн өмнөд хэсгээр шөнөдөө +6...+11 градус, өдөртөө +17...+22 градус, бусад нутгаар шөнөдөө -1…+4 градус, өдөртөө +10...+15 градус дулаан байна.