2025 оны наймдугаар сард нийслэл хотод орон сууцны В1 давхарт оршин суух айл эд зүйлээ хулгайд алдлаа гэх дуудлага мэдээлэл цагдаагийн байгууллагад бүртгэгджээ.

Цагдаагийн байгууллагаас энэ төрлийн гэмт хэрэг үйлдэж байгаа этгээдийг олж тогтоох, иргэдэд учирсан хохирлыг шуурхай барагдуулах зорилгоор мөрдөн шалгах ажиллагааг явуулахад урьд өмнө нь хулгайлах төрлийн гэмт хэрэг үйлдэж, ял шийтгэгдэж байсан Б гэгч нь БЗД, ХУД, Чингэлтэй зэрэг нийслэлийн зургаан дүүргийн айл өрхийн орон сууцны хаалгыг эвдэж, нийт 31 удаагийн үйлдлээр хулгайлах гэмт хэрэг үйлдсэн нөхцөл байдал тогтоогджээ.

Цаашид тухай этгээдийн мэдүүлгийг газар дээр нь шалгах, алдагдсан эд зүйлсийг олж тогтоон хохирогчид хүлээлгэн өгөх чиглэлээр мөрдөн шалгах ажиллагааг цагдаагийн байгууллагаас үргэлжлүүлж байна. 

 Дээрх гэмт хэрэг нь орон сууцны В1 давхруудад хяналтын камергүй, стандартад нийцсэн цоожгүй зэрэг шалтгааны улмаас үйлдэгдсэн гэх нөхцөл байдал тогтоогджээ.

Иймд орон сууц хотхоны СӨХ-дыг Монгол Улсын хуульд заасан үүргийн дагуу оршин суугчдыг аливаа төрлийн гэмт хэргээс урьдчилан сэргийлэх чиглэлээр ажил, арга хэмжээ тогтмол зохион байгуулж ажиллахыг зөвлөж байна.