Ховд аймгийн Булган сумын нутаг дэвсгэрт тарваган тахлын сэжигтэй тохиолдол батлагдлаа гэх мэдээлэл олон нийтийн сүлжээнд тархаад буй. Уг мэдээлэл дээр үндэслэн өчигдөр /2025.09.11/ Булган аймгийн Засаг даргын захирамжаар түр хугацаанд хязгаарлалт дэглэм тогтоосон аж. Ингэхдээ тарваган тахлын сэжигтэй тохиолдол илэрсэнтэй холбоотойгоор халдварын эрсдэлээс урьдчилан сэргийлэх, халдваргүйжүүлэлтийн ажлыг зохион байгуулж, сумын нугат дэвсгэрт үйл ажиллагаа явуулж буй ЕБС, олон нийтийг хамарсан үйл ажиллагааг цахимд шилжүүлээд байсан билээ.

Бид энэ талаар Ховд аймгийн ЗООНОЗЫН төв рүү холбогдон тодрууллаа. Тэд хэлэхдээ, "Ховд аймгийн ЗОНОЗЫН эмч нарын үзлэг шинжилгээгээр сэжигтэнд үзлэг хийж Булган суман дахь уг тохиолдлыг ТАРВАГАН ТАХАЛ БИШ хэмээн дүгнэлт гаргасан. Иймд Булган сумаас орох, гарах хөдөлгөөн, олон нийтийн болон, сургууль цэцэрлэгийн үйл ажиллагаа хэвийн явагдана" гэлээ.