Хөвсгөл аймагт тарваган тахал өвчний эхний тохиолдол 2025 оны есдүгээр сарын 3- нд бүртгэгдсэнээс хойш есдүгээр сарын 8-ны өдрийн байдлаар нийт гурван тохиолдол эмнэл зүйн шинж тэмдэг, тархвар судлал, лабораторийн молекул биологийн шинжилгээгээр эргэн тодорхойлогдож батлагдсан. Үүнээс нэг тохиолдол нь нас барсан билээ. 

Үүний дараагаас нас барсан иргэнд эмнэлгийн тусламж үзүүлж байсан 14 эмч, эмнэлгийн ажилтны шинжилгээний хариу эерэг гарсан. Мөн ойрын хавьтал 80 хүнийг тусгаарлан эмчилгээ хийж буй талаар Хөвсгөл аймгийн онцгой комиссоос мэдээлээд байсан.

Тэгвэл бид дээрх асуудал болон одоогийн нөхцөл байдлыг талаар Хөвсгөл аймгийн ЗӨСТ-ээс тодрууллаа. Тэрбээр, "Батлагдсан тохиолдол нэмэгдээгүй. Хоёр иргэний биеийн байдал сайжирч байна. Ойрын хавьтлын тоо 110 болж нэмэгдсэн. Мөн тахлаар нас барсан иргэнд үйлчилж байсан 14 эмч, эмнэлгийн ажилтны давтан шинжилгээний хариу сөрөг гарсан” гэлээ.