Говь-Алтай аймгийн Бугат сумын нутагт 8:20 цагт 3.7 магнитудын хүчтэй газар хөдөллөө.

ШУА-ийн Одон орон, геофизикийн хүрээлэнгийн мэдээлснээр газар хөдлөлтийн голомт нь Говь-Алтай аймгийн Бугат сумын төвөөс урд зүгт 51 км, Алтай сумын төвөөс баруун хойд зүгт 74 км, Төгрөг сумын төвөөс баруун урд зүгт 92 км зайд байв. 

Газар хөдлөлтийн хүчийг хоёр хэлбэрээр хэмждэг. Магнитуд нь хөрсөн доор, газар хөдөлж байгаа төв хэсгийг хэмждэг үзүүлэлт юм. Харин газрын хөрсөн дээр, хүнд болон барилга байгууламжид мэдрэгдэж байгааг баллаар хэмждэг. Шаталбар нь 12 хүртэл байдаг бөгөөд гурваас бага магнитудын газар хөдлөлт хүмүүст онцгой мэдрэгддэггүй бол 7-гоос дээш магнитуд хүрэхэд том талбай хамарсан сүйрэл болдог байна.