Ахмадууд тэтгэврийн зээлтэй холбоотойгоор хэд хэдэн шаардлага дэвшүүлж байгаагаа мэдэгдэж, энэ есдүгээр сарын 10-нд буюу хэлмэгдэгсдийн өдөр жагсана гэдгээ мэдэгдлээ.

Монголбанкнаас өнгөрсөн дөрөвдүгээр сараас тэтгэврийн зээлийн олголтод хувь тогтоосон нь ахмадуудын дунд эсэргүүцэл бий болгосон юм. Арилжааны банкууд тэтгэврийн зээлээ зогсоож, зарим нь хувь тогтоосноор ахмадууд зээл авах боломжгүйд хүрсэн. Ингэснээр тэд өнгөрсөн зургадугаар сарын сүүлчээс эхлэн суулт зарлаж, долдугаар сартай золгосон. 

Олон өдөр үргэлжилсэн эсэргүүцлийн эцэст төв банк шийдвэрээ цуцалж, арилжааны банкууд 24 сар хүртэл тэтгэврийн зээлийг хэвийн олгож эхэлснээ мэдэгдсэн юм. Гэвч амьдрал дээр энэ шийдвэр бүрэн хэрэгжихгүй байгаа талаар ахмадууд шүүмжилж эхэлжээ. Иймд тэдний хувьд энэ есдүгээр сарын 10-нд буюу хэлмэгдэгсдийн өдөр жагсана гэдгээ мэдэгдлээ.

Ахмадууд тэтгэвэрийн зээлтэй холбоотойгоор хэд хэдэн шаардлага дэвшүүлж байгаагаа мэдэгдлээ. Тодруулбал, тэд:

• "Тэтгэврийн доод хэмжээг 1,500,000 болгох
• Тэтгэврийн зээлийн хүүг 12 хувь болтол бууруулах
• Зээлийн хугацааг 36 сар болгох, дараа сард нь нэг сарын зээл олгодог болгох
• Давхар хүүнд өндөр шимтгэл тооцдог шударга бус байдлыг таслан зогсоох
• Тэтгэврийн зээлийг хэрэглээний зээл биш онцгой зээлийн ангилалд оруулах хууль батлахыг шаардаж буй аж.