Хөвсгөл аймагт 22 хүн тарваган тахал өвчнөөр өвчлөөд байна. Мөн 88 хүнийг тусгаарлажээ. Тарваган тахал өвчний анхны тохиолдол Цагаан-Уул суманд бүртгэгдэж, тахлаар өвчилсөн нэг иргэн нас баржээ.

Аймгийн онцгой комисс Цагаан-Уул, аймгийн төв буюу Мөрөн сумыг халдварын голомт гэж үзэн өнөөдрийн /2025.09.07/ 23.00 цагаас эхлэн хатуу хөл хорио тогтоож, өндөржүүлсэн бэлэн байдал зарлалаа. Хөл хорио 7 хоног үргэлжлэх бөгөөд энэ хугацаанд хичээл цахимд шилжиж, олон нийтийн бүх арга хэмжээг цуцлаад байна.

Цагаан-Уул суманд тарваган тахал өвчний дэгдэлт явагдаж байгаа учраас тарвага болон бусад ангын мах хүнсэнд хэрэглэхгүй байхыг анхаарууллаа. Мөн аймгийн хэмжээнд иргэд амны хаалт зүүж, сонор сэрэмжтэй байхыг онцгойлон анхаарууллаа.

Тарваган тахал өвчин цус, уушгинд халдварласан бол хүнийг 24-72 цагийн дотор үхэлд хүргэдэг маш аюултай тахал юм. Тарваган тахал өвчин коронавируст халдвараас 2-3 дахин илүү аюултай, үхлийн халдвар гэж үздэг юм.