Байгаль орчин, уур амьсгалын өөрчлөлтийн сайд өчигдөр хуш модны самар бэлтгэх хэмжээг тогтоосон А/706 тоот тушаал гаргалаа. Үүнд хуш модны самрыг үйлдвэрлэлийн зориулалтаар түүж бэлтгэх зөвшөөрлийг ойн анги, нутаг дэвсгэрийн байгаль хамгаалагч нар олгохоор болов. Ингэхдээ Зөвшөөрлийн тухай хуульд заасны дагуу дуудлага худалдааны журмаар зохион байгуулж олгох ажээ.

Мөн энэхүү тушаал батлагдан гарсан өдрөөс хуш модны самар ахуйн зориулалтаар түүж бэлтгэх зөвшөөрч буй хэрэг ажээ. Харин Улсын тусгай хамгаалалттай газар нутагт хамаарах ойгоос самар бэлтгэхгүй бөгөөд  улсын хэмжээнд бэлтгэх самрын хэмжээг тогтоож өгөв. Тухайлбал, Архангай аймгийн Булган, Цэнхэр, Хотонт, Ихтамир, Тариат, Жаргалант сум, Завхан аймгийн Тосонцэнгэл, Их-Уул цаашлаад Өвөрхангай аймгийн гурван сум, Хөвсгөл аймгийн зургаан сум, Хэнтий аймгийн хоёр сум, Сэлэнгэ аймгийн гурван сум, Булган аймгийн хоёр сумын нутгаас тус тус самар бэлтгэхийг зөвшөөрсөн байна.

Тэгвэл эдгээр газруудаас нийт ахуйн зориулалтаар 1095583 кг, үйлдвэрийн зориулалтаар 6666409 кг самар түүх боломжтой аж.