Өнөөдөр буюу есдүгээр сарын 2-ны Мягмар гарагт нарны хүчтэй тэсрэлт болно. Үүний улмаас соронзон шуурга дэгдэж, есдүгээр сарын 4-6-ны хооронд Төв Ази, ОХУ болон Монгол орны нутагт нөлөөлж, дэлхийн соронзон орны идэвхжил эрс нэмэгдэхийг судлаачид онцолж байна.

Яг одоогийн байдлаар манай улсад болж буй соронзон шуурга нь G2 буюу дунд зэргийнх байгаа бол 11.00-14.00 цагийн хооронд G-3 буюу хүчтэйн хооронд хэлбэлзэх юм. Ийм үед эрчим хүчний системд хүчдэлийн дохиолол үүсч, шуурга урт хугацаанд үйлчилвэл трансформатор зэргийг гэмтээж болзошгүй байдаг. 

Эргэн санабал, одоогоос жил гарны өмнө манай орны Хөвсгөл, Хэнтий, Дорнод, Архангай, Булган, Сүхбаатар зэрэг аймгуудад энэхүү улаан туяа үзэгдсэн билээ.

Нэмж дурдахад, Соронзон шуурга гэдэг нь наран дээр үе үе, өндөр давтавжтай болдог тэсрэлтийн нөлөөгөөр дэлхийн соронзон туйлуудад өөрчлөлт оруулахыг хэлдэг байна. Геомагнитын буюу соронзон шуургын үед радио унтарч, цахилгаан тасрах, туйлын туяа гэгддэг аурора үзэгдэх гэх мэт нөлөөг үүсгэдэг.  АНУ-ын Далай, агаар мандлын үндэсний удирдлагын хэрэглэдэг G-хэмжүүр нь шуургыг G1-ээс G5 хүртэл (G1, G2, G3, G4, G5 дарааллаар) үнэлдэг.