Орхон аймагт өсвөр насны хоёр хүүхдийг нэр бүхий зочид буудалд хүчээр авчирч бусдад худалдаж, биеийг нь үнэлүүлж байсан этгээдүүдийг цагдаагийн байгууллагаас илрүүлжээ. Улмаар тухайн хэрэгт холбогдох этгээдүүдэд эрүүгийн хэрэг үүсгэж, яллагдагчаар татан мөрдөн шалгах ажиллагаа явуулсан бөгөөд хэргийг энэ оны наймдугаар дугаар сарын 25-ны өдөр шүүхэд шилжүүлэх саналтай Нийслэлийн прокурорын газарт хүргүүлсэн байна.

Яллагдагчаар татагдсан этгээдүүдийг Эрүүгийн хуулийн тусгай ангийн 13.1 дүгээр зүйлийн 2 дахь хэсгийн 2.1, 13.5 дугаар зүйлийн 2 дахь хэсгийн 2.1, 12.1 дүгээр зүйлийн 2 дахь 2.1 дэх хэсэгт тус тус зааснаар эрүүгийн хэрэг үүсгэн шалгасан аж.