"Эрдэнэс Тавантолгой” ХК-ийн уурхайн талбайд өнөөдөр 100 тоннын даацтай самосвал онхолдож, ноцтой осол гарч, оператор залуу амиа алдлаа.  “Эрдэнэс Тавантолгой” ХК-д онц байдал зарласан үед өнөөдөр өглөө 06.00 цагийн орчимд TRX 11-47 дугаартай 100 тоннын даацтай самосвал онхолджээ. 

Оператор 40 гаруй настай байсан бөгөөд осол гарсан шалтгааныг хөдөлмөрийн аюулгүй байдалтай холбоотой дүрэм журмыг өөрчилсөнтэй холбоотой гэж ажилтнууд онцолж байна.

Тодруулбал, жил гаруйн өмнөөс "Эрдэнэс Тавантолгой ХК"-ийн шөнийн ээлжийн операторууд 04:00-05:00 цагт нэг цагийн хугацаатай унтаж амардаг журамтай байсныг 30 минут болгож багасгасан байна. Үүнээс болж оператор, ажилтнууд амралт дутуу байсан нь энэ төрлийн осол гарсах шалтгаан болсон байх магадлалтай гэж үзэж байгаа аж. Мөн "Оператор залуу, чанаргүй муу тоног төхөөрөмж, машин техник, чанаргүй хүнд даацын машины дугуй буудсанаас болж амиа алдчихлаа" гэж нутгийн иргэд ярьж байгаа аж.