Хичээлийн шинэ жил эхэлж   хөдөө  орон нутгаас  хөдөлгөөн эрчимжиж буй энэ үед орон сууц зарна, түрээсэлнэ хэмээн залилан мэхлэх гэмт хэрэг   олноор гарч байгааг цагдаагийн байгууллагаас анхааруууллаа.

Тодруулбал  иргэдийн  нийтэлсэн “Орон  сууцаа  зарна, түрээслүүлнэ”  гэх зараас зураг,  мэдээллийг  хуулбарлан ашиглах замаар гэмт хэргээ  үйлдэж байна. Залилан мэхлэгчид зарын дагуу холбогдсон хүмүүс  “Хотын төвд хямд  орон сууц түрээслүүлнэ, Яг одоо гэрээгээ хийхгүй  бол өөр хүн орох гээд,  байна хэмээн төөрөгдүүлж байгааг цагдаагийн байгууллагаас сэрэмжлүүллээ.

Иймээс  энэ  албан ёсны зар эсэх, тухайн түрээслэгч нь  орон сууцны хууль ёсны  өмчлөгч эсэхийг   улсын бүртгэлийн  гэрчилгээтэй тулгаж харах зэргээр залилуулахаас  сэргийлэх боломжтой. Өнгөрсөн 7 хоногт  сошиал орчинд нийтлэгдсэн 140 гаруй дээрх төрлийн зар мэдээлэлд  судалгаа хийхэд 30  хувь нь хуурамч зураг ашигласан,  төөрөгдүүлсэн байсныг   шалгаж тогтоожээ.