Улаанбаатар хот, Хан-Уул дүүргийн 4 дүгээр хорооны нутаг дэвсгэрт суудлын 2 автомашин мөргөлдөж 1 автомашин замын хажуу руу унажээ.

Ослын тухай дуудлага энэ сарын 25-нд 05:33 цагт Онцгой байдлын албанд ирсэн байна. Дуудлагын дагуу Нийслэлийн Аврах ангийн алба хаагчдыг очиход “Лексүс-570”, “Приус-55” загварын автомашинууд мөргөлдсөн байв.

Улмаар “Приус-55” загварын автомашины жолооч Н /30 настай, эрэгтэй/ автомашиныхаа жолооны хүрдэнд хавчуулагдаж ухаан алдсан байсныг 06:05 цагт эсэн мэнд гаргаж Нийслэлийн яаралтай түргэн тусламжийн төвд шилжүүлэн өгсөн.

Эх сурвалж: ОБЕГ