Монголын цагдаагийн байгууллага гэмт хэрэгтэй тэмцэх, хэв журам хамгаалах ажилд албаны сургуультай нохойг анх 1944 оноос ашиглаж, энэ чиглэлийн мэргэжлийн боловсон хүчнийг бэлтгэж эхэлсэн.  Өнөөдөр /2025.08.18/ эрэлч нохойн алба үүссэний 81 жилийн ойн өдөр.  

Эрэлч ноход “Монгол Улсынхаа төлөө зүтгэе” гэж хэлж чадахгүй ч үйлдлээрээ тод харуулж, олон гавьяа байгуулсан баатарлаг үнэнч нөхөд. Эрэлч нохойн хувьд гол алба нь гэмт хэрэгтнийг халуун мөрөөр нь илрүүлж, албандаа үнэнчээр зүтгэх.

Сүүлийн жилүүдэд Герман овчарка, Дундад ази, Ротвейлер, Кавказ овчарка, Малиуна, Лаборадор, Дорнод европын овчарка  үүлддрийн үржлийн  эм нохдыг сонголт хийн  хээлтүүлэгт оруулж нийт 45 тооны гөлөг хүлээн авч эрүүл эсэн мэнд бойжуулан эрэл мөрдлөг, хар тамхи мансууруулах бодис, тэсэрч дэлбэрэх бодис эрж хайх, харуул хамгаалалтын чиглэлээр  сургалтанд хамруулан төв орон нутгийн цагдаагийн газар хэлтэс, дотоодын цэргийн анги салбаруудад хүлээлгэн өгөөд байна.