Сэлэнгэ аймгийн зарим суурьшлын бүсэд хүрэн баавгай орж ирж байгаа талаар албаныхан сэрэмжлүүллээ. 

Тухайлбал, Сэлэнгэ аймгийн Мандал сумын ЗДТГ-аас иргэд олон нийтийг ой хээрт аялахдаа аюулгүй байдлаа хангаж зорчих, зарим бүс рүү нэвтрэхдээ мэргэжлийн байгууллагаас өгч байгаа зөвлөмжүүдийг дагахыг сануулсан юм.

Хэрвээ хот суурин газар, суурьшлын бүсэд хүрэн баавгай орж ирсэн, ойртсон, тохиолдолд нэн яаралтай тухайн баг, сумын Засаг дарга,  Байгаль орчны хяналтын тасагт хандахыг зөвлөлөө.