Цаг агаарын нөхцөл байдлаас шалтгаалан иргэд гол, нуурын эрэг дагуу амарч, аялж зугаалах нь нэмэгдэж байгаа энэ үед усны ослын эрсдэл маш өндөр хэвээр байна.

Өнгөрсөн 2024 онд улсын хэмжээнд

• 102 хүн гол, усанд живж амь насаа алдсан

• Үүнээс 17 нь насанд хүрээгүй хүүхэд байсан

Харин 2025 оны эхний 07 дугаар сарын 24-ний өдрийн байдлаар

• 51 хүн гол усанд осолдож амь насаа алдсан.

• Үүнээс 13 нь бага насны хүүхэд байна.

Гол, усны осол нь иргэдийн анхаарал, болгоомжгүй үйлдэл болоод бага насны хүүхдийг хараа, хяналтгүй орхисон зэрэг нийтлэг шалтгаанаас үүдэж байгаа тул иргэд та бүхэн сонор, сэрэмжээ дээшлүүлэн, бага насны хүүхдийг хараа хяналтгүй голын эрэг дагуу тоглуулахгүй, зориулалтын бус хийлдэг завь ашиглахгүй байх, согтууруулах ундаа хэрэглэсэн үедээ гол усанд орохгүй байх, баталгаатай гүүр, гарам, гарцтай газраар автомашинтай зорчиж мэргэжлийн байгууллагаас өгч байгаа заавар, зөвлөмжийг дагаж мөрдөхийг цагдаагийн байгууллагаас сэрэмжлүүлж байна.