Баянхонгор аймгийн Онцгой байдлын газраас Цагдаагийн байгууллагатай хамтран  “Түй”, “Байдраг”, “Шаргалзуут”, “Цагаан гол”, “Орог”, “Бөөнцагаан”, “Хөх” нуурын дагуу хөдөлгөөнт эргүүлийг ажиллуулж, иргэдийн аюулгүй байдлыг ханган ажиллаж байна.

Баяр амралтын өдрүүдэд тус аймагт орсон борооны улмаас дээрх гол, нууруудын усны түвшин 10-120 см хүртэл нэмэгдэж, үерийн аюултай түвшинд хүрсэн бөгөөд өдөрт 700-800 аялагч ирж амарч байгааг мэдээллээ.

Тиймээс хөдөлгөөнт эргүүлийн үүрэг гүйцэтгэж  байгаа алба хаагчид иргэдэд яриа таниулга, зөвлөмж мэдээлэл хүргэж, ус, шаварт суусан автомашиныг татан гаргах зэргээр урьдчилан сэргийлэх арга хэмжээг хэрэгжүүлж байна.
Баянхонгор Онцгой Байдлын Газар