Долоодугаар сарын 4-нд Хэнтий аймгийн Өмнөдэлгэр суманд хурдан морь согтуу жолоочийн балгаар тэнгэрт хальжээ. Тодруулбал, Сүхбаатар аймгийн Түмэнцогт сумын харьяат Мөнхбатын Төртүвшингийн "Эрдэм хонгор" айрагдаж асрын өмнө цоллуулчхаад морины машиндаа ачигдаж явахад нь согтуу жолооч урсгал сөрж морьдтой машиныг нь мөргөжээ. Ослын улмаас машин замын хажуу руу унаж ЭРДЭМ ХОНГОР энджээ. Монголын энэ цагийн их насны морьдын манлай хүлэг аймаг, бүс, сумдын томоохон наадамд уралдан асарын өмнө 17 удаа цоллуулсан морин эрдэнэ ийнхүү тэнгэрийн хүлэг боллоо.