Амьд хөгжим сонирхогчдын хүсэн хүлээдэг “Playtime Music Festival” наадам өчигдөр буюу долдугаар сарын 3-нд эхэлсэн билээ. Тэгвэл наадмын эхний өдөр буюу өчигдрийн арга хэмжээнд оролцсон нэг хамтлагийн гишүүн хар тамхи хэрэглэсэн байж болзошгүй нөхцөл байдал тогтоогдсон гэсэн мэдээлэл олон нийтийн сүлжээнд татагдаад буй.

Бид энэ талаар цагдаагийн байгууллагаас тодруулахад, "Цагдаагийн байгууллага нэр бүхий иргэдээс шинжилгээ авсан нь үнэн. Одоогоор шинжилгээний хариу гараагүй байгаа. Иймд мэдээлэл өгөх боломжгүй" гэв.