Монгол улсын Засгийн газрын тухай хуулийн 9 дүгээр зүйлийн 2, Хөдөлмөрийн тухай хуулийн 43.3-т заасны дагуу Үндэсний их баяр наадам, Ардын хувьсгалын ойн баярын 2025 оны 07 дугаар сарын 12, 13-ны өдрүүд нь Бямба, Ням гарагт тохиож байгаатай холбогдуулан 2025 оны 07 дугаар сарын 16, 17-ны өдрийн Лхагва, Пүрэв гарагт шилжүүлэх засгийн газрын тогтоол гарсан. Үүнтэй холбоотойгоор Засгийн газрын 2025 оны “Ажил, амралтын цагийн зохицуулалтын тухай” 279 дүгээр тогтоолын дагуу нийгмийн даатгалын байгууллага нь 2025 оны 07 дугаар сарын 16,17-ны өдрийн Лхагва, Пүрэв гарагийн ажлын өдрийг 07 дугаар сарын 05,06-ны Бямба, Ням гарагт шилжүүлэн ажиллахаар боллоо. Ажил олгогч, даатгуулагч, харилцагчид та бүхэн энэ амралтын өдөр буюу Бямба, Ням гарагт Нийгмийн даатгалын үйлчилгээг авах боломжтой.