Өчигдөр /2025.07.02/ Улаанбаатар хотод хүчтэй салхи шуурч, Сүхбаатарын талбайд байрлуулсан тайз нурсны улмаас дөрвөн хүн гэмтсэн осол гарсан. Гэмтсэн хүмүүсийг Гэмтэл согог судлалын үндэсний төвд яаралтай хүргэсэн бөгөөд хоёр нь хүүхэд, хоёр нь насанд хүрсэн хүн байсан байна.

Энэ талаар ГССҮТ-ээс тодруулахад, "Ослын улмаас нэг хүн хүнд, гурван хүн хөнгөн гэмтсэн. Хүнд гэмтсэн хүн нь тайз буулгаж байсан компанийн ажилтан эрэгтэй байсан. Түүний хувьд хүнд гэмтэл авсан тул одоогоор Түлэнхийн төвд хэвтэн эмчлүүлж байгаа бол бусад гэмтсэн иргэд гадуур эмчлүүлж байгаа" гэлээ.