“Улаанбаатар төмөр зам” ХНН ажилчдын хүнсний хангамжид зориулан 500 сая төгрөгийн өртөг бүхий гурил худалдан авахаар тендер зарлалаа. Худалдан авалттай холбоотой тендерийн урилгыг Төрийн худалдан авах ажиллагааны цахим системд байршуулсан бөгөөд шалгарсан нийлүүлэгчээс гурилыг гэрээний дагуу нийлүүлэх юм.

Ийм хэмжээний мөнгөөр зөвхөн гурил худалдан авч байгаа нь зарим иргэний дунд хэрэгцээ шаардлага, үр ашигтай зарцуулалтын талаар асуулт төрүүлж байна. Төрийн өмчийн оролцоотой томоохон байгууллагууд “ажилчдын хүнсний хангамж” нэрээр төсвөөс их хэмжээний мөнгө зарцуулдаг ч, тэр нь үнэхээр ажилчдын амьдралд шууд нөлөөлж, үр дүнгээ өгч чаддаг уу гэдэгт хяналт сул, хариуцлагагүй байдал олны бухимдлыг төрүүлдэг. Зарим иргэдийн зүгээс “компанийн дотоод хоолны хэрэглээнд ийм өндөр өртөг зарцуулахын оронд илүү үр дүнтэй, хэмнэлттэй зохион байгуулалт хийж болох байсан биш үү” гэх шүүмж ч гарч байна.