Улаан тайгын УТХГ-ын хамт олны санаачлан, үүсгэн байгуулж буй “Соёны эко бүсийн мэдээллийн төв”-ийн нээлтийн үеэр тус газрын дарга Ж.Төмөрсүхэд 96 настай ээж нь хүндэтгэл үзүүллээ. Тэрбээр алд цэнхэр хадаг, агт морь бэлэглэж, хүүгийнхээ ажил үйлсэд ерөөл өргөжээ. Түүнчлэн ТХГ-ын байгаль хамгаалагчид болон нутгийн малчдаас агт морьд, аав ээжээс үе улиран хадгалагдаж ирсэн зарим эд өлгийн зүйлийг тус мэдээллийн төвд бэлэглэж байна.