15-021 дугаартай Ү-31 Зайсан-Цамбагарав чиглэлийн жолооч 3 иргэний амийг аварсан тухай иргэний нийтлэлийг хүргэж байна. 

Тодруулбал, өчигдөр (2025.06.29) 18:00 цагийн үед Зайсангийн гүүрээр алхаж явахад баруун талд голын дунд нь живэх аюултай тусламж гуйн хашгирч буй хүмүүсийг хараад хүүхэдтэйгээ явж байсан би яах учраа олохгүй гүүрээр явж байсан автобусыг зогсоож тусламж хүсэхэд шууд л бууж ирэн гол руу гүйж, би 102 руу залган дуудлага өгсөн. 102 -ын оператор дуудлага авч мессежээр линк явууллаа шууд дарж ороод болж буй нөхцөл байдлыг харуулаарай гэдэг юм байна.  Цагдаа ирчихлээ, жолооч иргэдийг эрэг рүү гаргаж байна гэж 102 луу хэлэхэд камераа салгаж болохгүй шүү  гэсэн. 

Ширүүн бороотой, голын урсгал ширүүн байсан ч өөрөө 2-3 удаа хөл алдан очиж 3 иргэнийг голын урд эрэг рүү гарган аварсан жолооч танд баярлалаа. Жолоочийг автобус руугаа буцаж алхахад эрэг дээр аврагдаж гарсан цагаан даашинзтай охин ахаа баярлалаа гэсээр үлдсэн. Би ч зургийг нь авах ухаан байсангүй 102-ын камерыг салгах боломжгүй баярлалаа гэхэд зүгээрээ гэж хэлээд гараа даллаад автобус руугаа алхсан жолооч залуугийн зургийг дарж амжсангүй автобусны зургийг араас нь л дарлаа.