Сэлэнгэ, Дархан-Уул аймгийн Ус цаг уур, орчны шинжилгээний төвийн хамтарсан баг үүл буудаж, бороо оруулжээ. Ингэхдээ дөрөв хуваагдаж, хээрийн экспедиц гарган 12 ширхэг борооны пуужингаар цаг агаарт зориудаар нөлөөлсөн байна.

Энэ нь Сэлэнгийн Ерөө суманд гарсан түймрийг унтраах зорилготой бөгөөд үр дүнд нь Ерөө сумын түймрийн голомтоос 20-30 километрийн зайд бороо орж, үүлний масс түймрийн голомт руу шилжсэнийг албаны хүмүүс мэдээлжээ. Мөн нийслэлийн Засаг даргын тамгын газрын хүсэлтээр “Хүй долоон худаг” орчимд Цаг уур орчны шинжилгээний газраас зургаан ширхэг борооны пуужин харвасан байна.