Эрчим хүчний зохицуулах хороо (ЭХЗХ) 2025 оны худалдан авалтын хүрээнд нийт 61 сая төгрөгийн төсөвтэйгээр мэдээллийн технологийн тоног төхөөрөмж худалдан авах тендер зарласан байна. Тендерт:

• Суурин компьютер – 9 ширхэг
• Зөөврийн компьютер – 1 ширхэг
• Microsoft Surface Pro 9 – 1 ширхэг
• Олон үйлдэлт өнгөт принтер, мөн дагалдах хэрэгслүүд багтаж байна. 

Тус төхөөрөмжүүд нь нийтдээ 11 компьютер болон тодорхой тооны принтер бөгөөд төхөөрөмж тус бүрийн дундаж үнэ харьцангуй өндөр байгаа нь олон нийтийн анхаарлыг татаж эхэлжээ.

61 сая төгрөгөөр ердөө 11 компьютер, хэд хэдэн принтер болон бусад дагалдах хэрэгсэл авах нь төсвийн оновчтой зарцуулалт мөн үү? гэсэн асуулт гарч байна. Тухайлбал, Microsoft Surface Pro 9 зэрэг өндөр үнэтэй төхөөрөмжийг төрийн байгууллагын албан хэрэгцээнд авах нь зайлшгүй шаардлагатай эсэх, эсвэл өөр боломжийн үнэтэй хувилбаруудаар орлуулж болох байсныг нийгмийн сүлжээнд зарим иргэн хөндөж байна.

ЭХЗХ нь эрчим хүчний салбарын бодлого, хяналт, зохицуулалтыг хэрэгжүүлдэг төрийн байгууллага бөгөөд санхүүгийн үр ашигтай, хэмнэлттэй зарцуулалт хийх нь төрийн үүрэг хариуцлагын нэг хэсэг юм гэдгийг иргэд сануулж байна.