2025 оны Элсэлтийн шалгалт зургаадугаар сарын 18-нас улс орон даяар эхлээд буй.  Увс аймаг Элсэлтийн шалгалтад (ЭШ) өндөр оноо авсан сурагчдыг мөнгөн урамшууллаар шагнахаар боллоо.

Тодруулбал, энэ жилээс Увс аймгийн сурагчид ЭЕШ-нд 800 оноо авсан тохиолдолд 5 сая төгрөгийн урамшуулал авах бөгөөд 750-799 оноо авбал 3 сая төгрөг, бэлтгэсэн багш нь1,5 сая төгрөгийн урамшуулал авах журам батлагдсан байна.

Энэ талаар аймгийн засаг дарга С.Батжаргал хэлэхдээ, "Увс аймгийн хэмжээнд ЭЕШ-д өмнөх оны төгсөгчидтэй нийлээд нийт 991 сурагч оролцож байгаа. Манай аймгийн хувьд энэ шалгалтад сүүлийн 10-аад жил улсдаа тэргүүлж байгаа. Нэгэнт ийнхүү тэргүүлж буй сурагчдыг урамшуулах нь зүйтэй гэдэг үүднээс 800 оноо авсан хүүхдэд 5 сая, 750-799 онооны хооронд авбал 3 сая, бэлтгэсэн багшид 1.5 сая төгрөгийн урамшуулал авах журмыг баталсан" гэлээ.

Энэхүү дэмжлэг нь орон нутгийн хүүхдүүдийн сурах идэвхийг нэмэгдүүлж, ЭЕШ-ын оноогоороо тэргүүлэгчдийн тоог өсгөх бодлогын нэг хэсэг гэж аймгийн удирдлагууд онцолсон байна.

Энэ мэдээнд өгөх таны үнэлгээ