Монголбанкны Мөнгөний бодлогын хорооны ээлжит хурал өнгөрсөн долоо хоногт болж, тэтгэврийн зээл олгоход өр, орлогын харьцаа 50/50 хувь байх шийдвэр гаргасан билээ. Тэгвэл тус шийдвэрийг эсэргүүцсэн ахмадууд өнөөдөр /2025.06.19/ Монголбанкны гадна жагсаал зохион байгууллаа. Ахмадууд "Банкнаас тэтгэврийн зээл авахад 36 сарын хугацаатай өгдөг байсныг журамласнаас болж зүйл зогсчхоод байна. Жирийн иргэд болоод аж ахуй эрхэлж буй ахмадуудыг боосон бодлого гаргасан. Мөнгөний бодлогын хороо судалгаа хийгээгүй байж хааж боогоод байна. Тэтгэвэр нэмээг өг гэж гуйгаагүй. Банкууд ахмадуудад олгож буй тэтгэврийн зээлээ 100 хувь, хугацаа урттай, хүү багатай болгоод өгөөч гэж төрөөс хүсэж байна. УИХ-ын гишүүдээс гуйя, та нар Монголбанк, Санхүүгийн зохицуулах хороог дуудаж уулзаад арга хэмжээ авч өгөөч" гэлээ.