Найз залуугийнхаа гарт 13 цагийн турш онц хэрцгийгээр хүчирхийлүүлсэн тухайгаа Э гэх бүсгүй цахим сүлжээнд нийтэлснээр олны анхаарлын төвд ороод байсан.

Тодруулбал, тус хэрэг 2024 оны 10 дугаар сарын 27-ны өдөр болсон бөгөөд хохирогчийн ах маргааш өдөр нь цагдаагийн байгууллагад мэдэгдсэнээр Ж гэх эрэгтэйд таслан сэргийлэх арга хэмжээ авагдсан байдаг. Улмаар хүний эрүүл мэндэд санаатайгаар хохирол учруулсан, хүч хэрэглэн бэлгийн халдашгүй байдалд нь хохирол учруулсан хэмээн Баянзүрх дүүргийн цагдаагийн хэлтэст шалгагдаж эхэлсэн.

Тус хэргийн урьдчилсан хэлэлцүүлэг /2025-06-05/-ны өдөр БЗ, СБ, ЧД-ийн ЭХАШТШ-д болохоор товлогдсон. Урьдчилсан хэлэлцүүлгээр хэргийн мөрдөн шалгалт ханасан эсэх, прокурор руу буцаах уу, хэргийг шүүхээр хэлэлцэх эсэх талаар хуралддаг.

Улмаар Ч.Жавхлантад холбогдох хэргийн урьдчилсан хэлэлцүүлэг болж, өнөөдөр буюу /2025-06-19/-ний 10.00 цагт шүүх хурал товлосон. Ч.Жавхлантын хувьд /2025-10-28/-ны өдөр хохирогчийн ах цагдаагийн байгууллагад мэдэгдсэнээр таслан сэргийлэх арга хэмжээ авхуулсан. Өдгөө долоон сар гаруй хугацаанд цагдан хоригдож байгаа юм.