Хэнтий аймгийн Бор-Өндөр сумын цагдаагийн хэлтэст нэгэн харамсалтай дуудлага ирсэн нь хүний амь насыг аврах цаг хугацаатай уралдсан мөч байлаа.

Нэгэн иргэн гүн сэтгэл гутралд орж, гэрийнхээ тооноос дүүжлэгдсэн байдалтай байсныг түүний ойрын хүн цагдаагийн байгууллагад мэдэгджээ. Тус Цагдаагийн хэлтсийн 3 алба хаагч тухайн газарт хурдан хугацаанд очиж, иргэний амийг авран хамгааллаа. 

Тэдний хурдтай, мэргэжлийн, сэтгэлтэй үйлдэл амиа хорлох гэж байсан иргэнийг эсэн мэнд авч үлдэхэд чухал үүрэг гүйцэтгэлээ. Тухайн иргэнд яаралтай эмнэлгийн тусламж үзүүлж, цаашид сэтгэл зүйн зөвлөгөө, дэмжлэг үзүүлэхээр холбогдох байгууллагууд ажиллаж байна.